Guarani Ñe’ẽ Angirũ Ñanduti marandu:
Pe arapo 01 jasypoapy ohasava’ekuépe 20:30 aravo jave oñombyaty jepiverõguáicha guarani angirũnguéra
Ñe’ẽrã ñemohenda:
1. Ñe’ẽngue ñembokuatia ñemoñe’ẽ ambue atypeguare
2. Guarani Tesãirã rehegua marandu.
3. Amandaje osako’íva Encarnación tavao Tekombo’e myakãha aty ha Guarani Ñe’ẽ Angirũ Ñanduti(30/08/2024).
4. Viru rehegua marandu.
5. Ojejúta jave okarahágui térã tetã ambuégui toñemomaranduraẽ ikatu hag̃ua oñemog̃uahẽporã ichupekuéra.
6. Encarnación tavaópe oñembosako’i guarani en la función pública.
7. Martes 06/08/2024, Guarani Angirũ oykekóta tembiaporã Supervisión-pegua Guarani jeporu sy rye guive.
8. Ambue.
1. Ñe’ẽngue ñembokuatia ñemoñe’ẽ ambue atypeguare
Pytyvõhára Cintia Rolón omoñe’ẽmbaite ñe’ẽngue ñembokuatia ambue atypeguare, ko ñe’ẽngue ñembokuatiápe oĩ mboy viru ojeguereko, mboy ojeporu ha hemby, oñeñongatu Guarani Angirũ cuenta bancaria-pe, ñe’ẽngue ñembokuatia ñombyaty 18 jasypokõimeguare ojejerure toñemboguapy ipype jesarekopyrãramo máva remimo’ãpa banner apo ha mávapa ojapouka, ojehai opapotávo ñe’ẽngue ñembokuatia jeipyaha, oñemoneĩ ko ñe’ẽngue ñembokuatia oñemoñe’ẽpyréva.
2. Guarani Tesãirã rehegua marandu
Guarani Tesãirã rehegua mbo’esyrýpe katu temimbo’ekuéra mokõihamegua nivel oho porãiterei hese, ojehechakuaa ta’ãnga oñemyasãiva Whatsapp atyha rupi 23/07/2024 ha 30/07/2024, araapy jave niko ko mbo’esyry ojeguerojera.
3. Amandaje osako’íva Encarnación tavao Tekombo’e myakãha aty ha Guarani Ñe’ẽ Angirũ Ñanduti (30/08/2024).
Amandaje osako’íva Encarnación tavao Tekombo’e myakãha aty ha Guarani Ñe’ẽ Angirũ Ñanduti rehegua, Mb. Estela Trinidad oñe’ẽ ko tembiapo rehe, híbrido ojeguerojeráta( ikatúta ojeho tendápe ha avei yvytu pepóre ikatu ojehecha)arapoteĩ 30 jasypoapýpeta, oñemomaranduvéta mba’éichapa ojeho hese ambue ñombyatýpe.
4. Viru rehegua marandu.
Viru rehegua marandu katu Mb. Shyrley Reyes omomarandu mboy viru ojeguereko: viru hembyva’ekue 18/07/2024: Gs.2.321.400.- ndojepokói hese ndaipóri viru osẽva, ko viru arange 01/08/2024 oñeñongatu Cta.Bco.0-3616444 (oñembohasa marandu’ãnga Whatsapp-pegua aty moakãharakuéra ha Rohayhu che ñe’ẽme).
5. Ojejúta jave okarahágui térã tetã ambuégui toñemomaranduraẽ ikatu hag̃ua oñemog̃uahẽporã ichupekuéra.
Ojejúta jave okarahágui térã tetã ambuégui toñemomaranduraẽ ikatu hag̃ua oñemog̃uahẽporã ichupekuéra rehe oje’e ko’ã ñombyaty ryepýpe toñeñe’ẽ upe jeju rehe ikatu hag̃ua Guarani Ñe’ẽ Angirũ Ñanduti temimoĩmbyháicha tomog̃uahẽporã hogayguakuérape.
6. Encarnación tavaópe oñembosako’i guarani en la función pública.
Encarnación tavaópe oñembosako’i guarani en la función pública ko ñe’ẽrã rehe katu ojeiporukáta Guarani Angirũ banner ojeykeko hag̃ua ko tembiapo, ojeguerahaukáta apopyrã ha oñemoneĩ vove ikatútama ojeguerojera ko mbo’esyry Encarnación tavaópe.
7. Araapy 06/08/2024, Guarani Angirũ oykekóta tembiaporã Supervisión-pegua Guarani jeporu sy rye guive.
Martes 06/08/2024, Guarani Angirũ oykekóta tembiaporã Supervisión-pegua Guarani jeporu sy rye guive, supervisora upe tendapegua omba’ejerure Mb. Estela Trinidad-pe toñe’ẽ mbykymi ko tembiaporãre oñemoñepyrũ hag̃ua Supervisión-pe ko apopyrã.
8. Ambue.
Ndaipóri tembiapo pyahu oñeñe’ẽtava rehe ambue mba’épe.
<!> Marandu ndoikéiva ñombyaty 01/08/2024-guarépe <!>
Guarani Angirũ Pytyvõhára Mb. Cintia Rolón oho 30/07/2024 puhoe 87.5 fm Pa’i Garcia-pe oñe’ẽ hag̃ua Tekoayhu ára rehe, pumbyry ñehenóipe ojoaju Mb. Estela Trinidad.
Encarnación távapegua, omoirũta Comitiva ojehechauka’ypýtava mbo’ehao koty pyahu térã oñemyatyrõva ha heseguáva, oñeikotevẽva temimbo’ekuéra ohasa porãve hag̃ua oñehekombo’e jave.