Pe arapo 15 jasypoapy ohasava’ekuépe 20:30 aravo jave oñombyaty jepiverõguáicha guarani angirũnguéra.
Ñe’ẽrã ñemohenda:
1. Ñe’ẽngue ñembokuatia ñemoñe’ẽ ambue atypeguare.
2. Guarani Tesãirã rehegua marandu.
3. Amandaje osako’íva Encarnación tavao Tekombo’e myakãha aty ha Guarani Ñe’ẽ Angirũ Ñanduti (30/08/2024).
4.Viru rehegua marandu.
5. Guarani Angirũ oykeko Apopyrã PRONAES oisãmbyhýva M.E.C Supervisión, Encarnación tavapegua.
6. Guarani Ñe’ẽ Rerekuapavẽ Ñomongetavusu (17/08/2024).
7. Ambue.
1. Ñe’ẽngue ñembokuatia ñemoñe’ẽ ambue atypeguare
Pytyvõhára Cintia Rolón omoñe’ẽmbaite ñe’ẽngue ñembokuatia ambue atypeguare, ko ñe’ẽngue ñembokuatiápe oĩ mboy viru ojeguereko, mboy ojeporu ha hemby, oñeñongatu Guarani Angirũ cuenta bancaria-pe, oñemoneĩ ko ñe’ẽngue ñembokuatia oñemoñe’ẽpyréva.
2. Guarani Tesãirã rehegua marandu
Guarani Tesãirã rehegua mbo’esyrýpe katu temimbo’ekuéra mokõihamegua nivel oho porãiterei hese, ojehechakuaa ta’ãnga oñemyasãiva Whatsapp atyha rupi, ojeguerova mbo’esyry ára, ojeguerojera arapokõi jave ikatuhag̃uáicha temimbo’ekuéra oĩmba, hembiapo hetágui hikuái arapokõindy pukukue.
Mbo’epy 10/08/2024-peguare
3.Amandaje osako’íva Encarnación tavao Tekombo’e myakãha aty ha Guarani Ñe’ẽ Angirũ Ñanduti(30/08/2024)
Amandaje osako’íva Encarnación tavao Tekombo’e myakãha aty ha Guarani Ñe’ẽ Angirũ Ñanduti rehegua, Mb. Estela Trinidad oñe’ẽ ko tembiapo rehe,oñemohembiapopaitéma guarani angirũnguéra Encarnación tavapeguápe, avei ojeguerahaukáma kuatia oñepepirũ hag̃ua ko amandajépe Tetãvore Mburuvicha Karai Javier Pereira-pe. Iporã ojehechakuaa mba’éicha guarani angirũ omba’apojoaju UNI, Instituto de Formación Docente, Encarnación tavao Tekombo’e myakãha ndive ko amandajerãre.
4. Viru rehegua marandu
Viru rehegua marandu katu Mb. Shyrley Reyes omomarandu mboy viru ojeguereko: viru hembyva’ekue 01/08/2024 : Gs.2.321.400.-, viru oikéva : aporte viru rupive guarani angirũme : Lucino Rodriguez Baroffi Gs.50.000.-, Luz Diaz López Gs.50.000.- ha Mb. Miguel Ángel Verón Gs. 50.000.- ko’ã viru oñembojoaju viru hembyva’ekue ndive ohupyty (Gs. 2.321.400 + Gs. 150.000.- : 2.471.400.- ), viru ojeiporúva : Pytyvõhára jehepyme’ẽ hembiapóre : Gs.280.000.-, kuatia’atãre jehepyme’ẽ Yvy Marae’ỹme Gs.50.000.- ko’ã mokõi viru papapy oñembojoaju (Gs.280.000.- + Gs. 50.000.- : Gs. 330.000.-) Viru ojeguerekóvagui ojeipe’a viru ojeiporúva : (Gs.2.471.400 – Gs. 330.000.- : Gs.2.141.400.-) péva hemby ha ko’ág̃aite arange 15/08/2024 oñeñongatu Cta.Bco.0-3616444 (oñembohasa marandu’ãnga whatsapp-pegua aty moakãharakuéra ha Rohayhu che ñe’ẽme).
5. Guarani Angirũ oykeko Apopyrã PRONAES oisãmbyhýva M.E.CSupervisión, Encarnación tavapegua
Guarani Angirũ oykeko Apopyrã PRONAES oisãmbyhýva M.E.C Supervisión, Encarnación tavapegua rehe Mb. Estela Trinidad he’i ohohague upe tembiapoasãime Mb. Blanca Rios ndive, Mb. Estela oñe’e mbykymi ha Mb. Blanca omyasai guarani angirũ facebook rupive.
6. Guarani Ñe’ẽ Rerekuapavẽ Ñomongetavusu (17/08/2024)
Guarani Ñe’ẽ Rerekuapavẽ Ñomongetavusu 17/08/2024-peguáre oje’e katuete Mb. Marisol Centurión, Mb. Shyrley Reyes ha Mb. Cintia Rolón oho Guarani Ñe’ẽ Rerekuapavẽ rembiaporãme oykekóvo guarani angirũháicha, oñembosako’íma hikuái ko ñomongetavusurã, Mb. Cintia Rolón omysãita guarani angirũ Facebook rupive.
7. Ambue
Ambue mba’épema UNI-pe arapo 22/08 ojegueroguatáta Tembi’u Paraguái apo, Mb. Blanca Rios ndive Mb. Estela Trinidad oñe’ẽ tomyasãi guarani angirũ facebook rupive. Mb.Estela Trinidad omoirũta Encarnación tavao Tekombo’e Atýpe guarani angirũháicha ko 16/08/2024 ohóvo po mbo’ehao okarahareguávape ogueraha hag̃ua jopói mitã ára rehegua.
Ta’ãngaita 15/08/2024-peguare ñombyaty.
Guarani Ñe’ẽ Angirũ Ñanduti omoiru Guarani Ñe’ẽ Rerekuapavẽme.
Ñomongetavusu Guarani Ñe’ẽ ha heko rapykuere,hekove ko’ag̃agua ha henonderã rehe.
17/08/2024