Pe arapo 18 jasypokõi ohasava’ekuépe 20:30 aravo jave oñombyaty jepiverõguáicha guarani angirũnguéra
Ñe’ẽrã ñemohenda:
1. Ñe’ẽngue ñembokuatia ñemoñe’ẽ ambue atypeguare
Pytyvõhára Cintia Rolón omoñe’ẽmbaite ñe’ẽngue ñembokuatia ambue atypeguare, ko ñe’ẽngue ñembokuatiápe oĩ mboy viru ojeguereko,mboy ojeporu ha hemby, oñeñongatu Guarani Angirũ cuenta bancaria-pe.
2. Guarani Tesãirã rehegua marandu
Guarani Tesãirã rehegua mbo’esyrýpe katu tapicha peteĩhamegua nivel-pe oñemboheraguapýva ombosyryry porã guarani ñe’ẽ upévare mbo’eharakuéra oguerova ichupekuéra mokõiha nivel-pe 08/07/2024 guive, oho porãiterei hese temimbo’ekuéra ovávo mokõiha nivel-pe, ojehechakuaa ta’ãnga oñemyasãiva Whatsapp atyha rupi 16/07/2024, araapy jave niko ko mbo’esyry ojeguerojera.
Mbo’epy 08/07/2024-peguare.
Mbo’epy 16/07/2024-peguare
3. Amandaje osako’íva Encarnación tavao Tekombo’e myakãha aty ha Guarani Ñe’ẽ Angirũ Ñanduti.
Amandaje osako’íva Encarnación tavao Tekombo’e myakãha aty ha Guarani Ñe’ẽ Angirũ Ñanduti rehegua Mb. Estela Trinidad oñe’ẽ ko tembiapo rehe jepéramo nosẽporãi yvytu pepóre oñeikũmby ojejaposéva, oñemoneĩ ko apopyrã ikatu hag̃ua ojeguerojera.
4. Guarani Angirũ Ñandutigua Encarnación tavaygua (séllo, banner)
Guarani Angirũ Ñandutigua Encarnación tavaygua (séllo, banner) oje’e Guarani Ñe’ẽ Rerekuapavẽ Amandaje Irundyharamoguare (06/07/2024) oñeme’ẽ ichupekuéra ikatu hag̃ua omba’apo porãve guarani ñe’ẽ rayhupápe Itapúa tavaguasu rupi.
5. Viru rehegua marandu.
Viru rehegua marandu katu Mb. Shyrley Reyes omomarandu mboy viru ojeguereko: viru hembyva’ekue 04/07/2024: Gs.1.991.400.-, ohepyme’ẽva Mbo’esyry Guarani Tesãirãme kuótare jehepyme’ẽ ha kuatia’atãre: Gs.350.000.-, Aranduka Léi Ñe’ẽnguéra rehegua ojehepyme’ẽva repy: Gs.150.000.-, Grayson Toliver Viru jegueruka guarani Angirũme ary pukukue rehe : Gs.500.000.-, Rubén Segovia viru jegueruka: Gs.100.000.- ko’ã po viru papapy oñembojoaju (viru hembýva 04/07/2024 + viru kuóta ha kuatia’atã Mbo’esyry Guarani Tesãirãme + Grayson Toliver ha Rubén Segovia viru oguerukáva) viru ojeguerekóva: Gs. 3.141.400.-, Viru osẽva: Banner Roll UP Encarnación-pe g̃uarã Gs.490.000.-, Séllo Encaranación-pe g̃uarã Gs 90.000.- Internet rehe ojehepyme’ẽ oñemyasãi hag̃ua yvytu pepóre Gs.30.000.-, Pytyvõhárape ojehepyme’ẽ hembiapo rehe: Gs. 210.000.-, ko’ã viru papapy oñembojoaju (Gs.490.000.-+ Gs.90.000.- + Gs.30.000.-+ gs.210.000.-) osẽ: Gs. 820.000.- .Viru ojeguerekóvagui ojeipe’a viru ojeiporúva (Gs. 3.141.400- Gs820.000: Gs. 2.321.400) péva hemby ha ko’ág̃aite arange 18/07/2024 oñeñongatu Cta.Bco.0-3616444 (oñembohasa marandu’ãnga whatsapp-pegua aty moakãharakuéra ha Rohayhu che ñe’ẽme).
6. Ambue.
Ambue mba’épema tojegueroguatajey Apopyrã Taipoty mitã ha mitãrusu jurúpe guarani ñe’ẽ Guarani Ñe’ẽ ko jasypoapýpe oñemomorãvo guarani ñe’ẽ ára, ko apopyrãre ojepyta oñemba’apojeývo.
Ta’ãngakuéra 18 jasypokõimeguare ñombyaty.