Guarani Angirũ Ñanduti kyre’ỹpópe omoirũ Café Literario ojegueroguatáva expocientec 2024-pegua 10 jasyporundýpe.
Expocientec niko hína tembikuaaty ha industrial rehegua tembiapo oguerojeráva ary ñavõ Colegio Técnico Nacional ha Centro de Entrenamiento Vocacional Arq. Raúl María Benítez Perdomo, ipype omba’apojoa tekombo’e ryepypegua, upéicha avei, omoirũ heta aty ñane retã ha tetã ambuegua.
Ko tembiapo ryepýpe, guarani angirũgua oñepepirũ omoirũvo Café Literario. Ko tendápe, oikéva guive ikatukuaa omoñe’ẽ opaichagua aranduka upevarã oñembosako’íva, avei okafe’u ndehepajepéva mba’e he’ẽ ndive koty piro’ysãme.
Moakãhára ko tendapegua ha’ekuri Mbo’erekokuaahára Zoraida Cardozo, oñembo’aguyjéva ome’ẽ haguére pa’ũ Mbo’erekokuaahára Elvia Estela Trinidad Colmán ha Mbo’ekuaahára Lidia Samudio-pe, ohóva guarani angirũ rérape Encarnación táva ha péicha avei Itapúa retãvore ryepýpe omba’apóva.
Ha’ekuéra, omba’emombe’u ohóva guivépe guarani angirũ jehupytyrã karakukuete, péicha avei oipepirũ maymave oikeséva guive ñane remimoĩmbýpe. Upéicha avei ohechauka umi tembiapo ojegueroguatapyréva.
Ko’ã mokõi mbo’ehára jeho ko tembiapópe og̃uahẽ porãiterei umi mbo’ehára ha temimbo’e ojesarekóva hesekuérape. Omba’eporandujoa ha avei omba’ejeruréva guarani angirũgua pumbyry papapy ikatuhag̃uáicha oñomongeta Guarani Angirũ Ñanduti ndive.
