Pe arapo 04 jasypokõi ohasava’ekuépe 20:30 aravo jave oñombyaty jepiverõguáicha guarani angirũnguéra.
Ñe’ẽrã ñemohenda:
1.Ñe’ẽngue ñembokuatia ñemoñe’ẽ ambue atypeguare
Pytyvõhára Cintia Rolón omoñe’ẽmbaite ñe’ẽngue ñembokuatia ambue atypeguare, ko ñe’ẽngue ñembokuatiápe oĩ mboy viru ojeguereko, mboy ojeporu ha hemby, oñeñongatu Guarani Angirũ cuenta bancaria-pe
2. Guarani Tesairã rehegua marandu
Guarani Tesãirã rehegua mbo’esyrýpe katu Mbo’esyry peteĩhamegua omohu’ãma pe 25/06/2024. Oĩ ohepyme’ẽva ikuatia’atarãre upe mbo’esyrypeguápe, ojehecháma mba’éicha ojeguerahaukáta ichupekuéra ikuatia’atã. Mbo’epy Nivel 1 ha 2 oñepyrũ 02/07/2024.
Mbo’epy 25/06/2024-peguare
3. Viru rehegua marandu
Viru rehegua marandu katu Mb. Shyrley Reyes omomarandu mboy viru ojeguereko: viru hembyva’ekue 20/06/2024 : Gs.1.877.100.-, ohepyme’ẽva ikuótare Mbo’esyry Guarani Tesãirãme ha ikuatia’atãre: Gs.250.000.-, Mario Milciades Pavetti viru jegueruka: Gs. 300.000.-, Guarani Médico kuatia’atã : Gs.100.000.- (ko’ã po viru papapy oñembojoaju (viru hembýva 20/06/2024 +viru kuóta ha kuatia’atã Mbo’esyry Guarani Tesãirãme + Mario Milciades Pavetti aporte + Guarani Tesãirã kuatia’atã) viru ojeguerekóva: Gs. 2.527.100.-, Viru osẽva: Mbo’eharakuéra Estela Trinidad, Shyrley Reyes ha Cintia Rolón-pe jehepyme’ẽ hembiapo Guarani Tesairã mbo’esyrýpe: Gs. 375.000.- , Pytyvõhárape jehepyme’ẽ hembiapo rehe: Gs. 140.000.-, Aranduka jeguerahauka: Gs.20.700.- ko’ã viru papapy oñembojoaju (Gs.375.000 + Gs.140.000.- + Gs.20.700.-) osẽ: Gs. 535.700.- 1.877.100.- . Viru ojeguerekóvagui ojeipe’a viru ojeiporúva (Gs. 2.527.100.- Gs 535.700: Gs. 1.991.400) péva hemby ha ko’ág̃aite arange 04/07/2024 oñeñongatu Cta.Bco.0-3616444 (oñembohasa marandu’anga whatsapp-pegua aty moakãharakuéra ha Rohayhu che ñe’ẽme).
4. Ñemba’apo ñomoirũme: Guarani Angirũ-Encarnación tavao-IFD Encarnación tavapegua (30/08/2024)
Mb. Estela omba’apo katui Mb. Blanca Rios ndive Itapúa tavaguasu rupi,ojegueroguatáta tembiapo nde tuichapa jepéva ko 30/08/2024, Mb. Shyrley Reyes viru ñangarekohára he’i ikatuha ojejapouka guarani angirũ Encarnación-peguápe Banner ha séllo oiporu hag̃ua hikuái pe 30/08/2024, oñemoneĩ Mb. Shyrley remimo’ã.
5. Ambue
Guarani Ñe’ẽ Rerekuãpavẽme ñemoirũ iñamandaje irundyhápe ko 06/07/2024.