Arapokõi 30 jasypópe FIL( Feria Internacional del Libro) ryepýpe ojegueroguata jepiverõguáicha Guarani Ñe’ẽ Rerekuapavẽ Amandaje ko jeýpe Poteĩha “ Jaikuaavemi jahávo guarani ñe’ẽ”, Centro de Convenciones del Shopping Mariscal López, George Washington-pe, Conference Room Kotyguasúpe, Paraguay távape.
Oñe’ẽ ñepyrũ Tkj. Lucino Rodriguez Baroffi omog̃uahẽ porãite maymavépe ha ojerure terekuarakuérape tojupi ha toñemohenda oñomongeta hag̃ua.
Ñomongeta peteĩhápe: oisãmbyhy Tkj. Lucino Rodriguez Baroffi.
1- Ñe’ẽrã: “Avañe’ẽ ha karaiñe’ẽ ojohypyiháicha”.
Oñe’ẽ: Arnaldo Casco Villalba. Departamento de bilingüísmo y sociolingüística-pegua.
2- Ñe’ẽrã: “Ñe’ẽ oñeisãmbyhýramo yvy guivo: Tembiporu omombaretekuaátava guarani ñe’ẽ”
Oñe’ẽ: Miguel Ángel Verón. Instituto Técnico Superior de Estudios Culturales y Lingüísticos Yvy Marãe’ỹmegua Sãmbyhyhára.
3- Ñe’ẽrã: “ Mba’éichapa oñeporomokirĩrĩ, ojekyhyje jave”
Oñe’ẽ: Ladislaa Alcaraz de Silvero. Guarani Ñe’ẽ Rerekuapavẽ Terekuára Papapýva.
Oñembohovái oñeporandúva ha ojepytu’u’imi.
Ñomongeta Mokõiháme: oisãmbyhy: Tkj. Lucino Rodriguez Baroffi
1-Ñe’ẽrã : “Recopilación de vocablos sobre las Ciencias Básicas para la creación de bancos terminológicos bilingües”
Oñe’ẽ: Temimbo’ekuéra Mbo’esyry Peteĩha, Lic. en Educación de las Ciencias Básicas y sus Tecnologías, Universidad Nacional de Itapúapegua.
2- Ñe’ẽrã: “ Mbojoguáva, ñe’ẽpotýpe”
- Mauro Javier Lugo Verón: Guarani Ñe’ẽ rerekuapavẽ-Yta. Omoñe’ẽraẽ mbykymi hembiapo “ Korapy nandi” Roa Bastos aranduka “ El baldío” omoguaraníva.
3- Ñe’erã: “ Emiliano R.Fernández Ñe’ẽpoty”
-Lucino Rodríguez Baroffi: Guarani Ñe’ẽ Rerekuapavẽ-Terekuára Papapýva.
Oñembohovái porandukuéra ha oñemboty ko Amandaje.
