Pe arapo 23 jasypo ohasava’ekuépe 20:30 aravo jave oñombyaty jepiverõguáicha guarani angirũnguéra.
Ñe’ẽrã ñemohenda
1.Ñe’ẽngue ñembokuatia ambue atypeguare.
Oñemoneĩ ñe’ẽngue ñembokuatia.
2.Pytyvõhára rembiapo ñemohenda(tenda-mba’éichapa)
Oñemoneĩ avei ha noñemoapañuái pytyvõhára omba’apóvo hóga guive tekotevẽramo toho Yvy Marãe’ỹ rógape.
3.Viru rehegua marandu.
Viru ñangarekohára Mb. Shyrley Reyes omomarandu mboy viru ojeguereko.
4.Guarani tesãirã rehegua marandu pyahu.
- Oñemboty ohóvo 1ha nivel, ojeguereko 8 temimbo’e.
- Nivel mokõiha oñemoñepyrũta 02 jasypokõi 19:00 aravo guive 21:00 aravo peve, avei oñemoñepyrũjeýta nivel peteĩha 02 jasypokõi 19:00 aravo guive 21: 00 aravo peve, ikatu hag̃ua oñeme’ẽ juruja ambue tapicha oñembokatupyrysévape.
Mbo’epy 21/05/2024
5.Guarani Angirũ Estatuto-rã
Oñeñomongeta ko mba’e rehe ha ojepyta oñembohasávo temimo’ã mba’eichagua temimoĩmbýtapa guarani angirũ, ko’ã jepy’amongeta ha marandu oñembohasáta Whatsapp-pegua aty Ñanduti Moakãhápe, ambue ñembyatýpe oñeñomongetajeýta ko ñe’ẽrãre.
6.Apopyrã » Guarani Ñe’ẽ jeporu ayvu rupive tetã temimoĩmbyháre»
Oñembo’apu’aparaẽta ambue apopyrã ha upéi kóva oñembo’ysýita, tekotevẽ oñembopyahu aranduka ha oñemyatyrõ’imi apopyrã retepy.
7.Ambue.
- Ambue apopyrã oñembo’apu’aparaẽ’arã (Guarani jeporu tupão católico-pe)
- Encarnación tavaópe ojeguerahaukajey’arã nota ikatu hag̃ua guarani angirũme oñeme’ẽ hendarã ysyry rembe’ýpe.
Atypegua ra’ãnga
