Ára 08 jasypoapýpe ojehechauka ñepyrũ tembiporukuéra ojeporukuaáva oñemokyre’ỹ hag̃ua mitãra’y imichĩete guive oñemombarete hag̃ua iñapytu’ũ ha hete. Mbo’ehára Estela Trinidad ha Blanca Ríos guarani angirũháicha omoirũ ko mba’e omotenondéva Tekombo’e ha Tembikuaaty Motenondeha (MEC) ha SATP ha ojejapóva Centro Regional de Educación kotyguasu «Gral. Patricio Escobar»-pe. Oĩ avei atyhápe Tekombo’e Pytyvõrenda Supervisión de Apoyo Técnico Pedagógico Itapua-pegua, Paraguái Tekombo’e Myakãha Itapua-pegua ha Mitã ha Mitãrusu Ñeñangareko Motenondeha. Ko atyguasu oñembosako’i ojegueroguata rupi apopyrã PRONAES (Programa Nacional de Estimulación Oportuna), ha’éva pe tembiapoguasu ojejapóva ojeykeko hag̃ua sy ha tuvakuéra ikatuhag̃uáicha mitãnguéra heñói guive oñemokyre’ỹ oiporu hag̃ua iñapytu’ũ ha hete. Peicharupínte hi’aju porãta iñapytu’ũ ha upéi ikatupyryvéta hikuái tenondeve oikéta jave mbo’ehaópe.
